Бүгін мектеп-лицейімізде "Жасанды интеллект: мүмкіндіктері мен озық шешімдер" тақырыбындағы информатика пәні онкүндігінің жабылу салтанаты өтті. Онкүндік аясында ұйымдастырылған түрлі сайыстар оқушыларға жасанды интеллект пен қазіргі заманғы технологиялардың маңыздылығын тереңірек түсінуге мүмкіндік берді.
Салтанатты шара барысында информатика бойынша белсенділік танытқан оқушыларды марапаттау рәсімі өтті. Жеңімпаздар мен жүлдегерлер дипломдармен және бағалы сыйлықтармен марапатталды. Оқушылардың жоғары деңгейдегі шығармашылық жобалары мен инновациялық идеялары мектеп ұжымының көңілінен шығып, болашақта IT саласында үлкен табыстарға жетуге серпін береді деп сенеміз.
Бұл онкүндік тек білім берумен ғана шектелмей, оқушылардың жаңашыл ойлау қабілеттерін шыңдап, олардың жаңа технологиялар әлеміне деген қызығушылықтарын арттырды.
