«Мың бала» республикалық мәдени-ағартушылық жобасы аясында ұйымдастырылған «Тіл ғұмыры – ұлт ғұмыры» атты зияткерлік сайыста Е.Бозғұлов атындағы №249 мектеп-лицейдің шәкірттерінен құралған «Тіл сақшылары» тобы үлкен жетістікке жетті. Аталмыш топ Қызылорда облысының қоғамдық даму басқармасының «Қоғамдық келісім» КММ-нің директорының ІІ дәрежелі дипломымен марапатталды. Бұл сайыс жас ұрпақтың мемлекеттік тілге деген құрметін арттыруға және тілдің маңыздылығын терең түсінуге бағытталған болатын.
Топ жетекшісі Болат Аделья Ильдарқызы осы жетістікке қосқан үлесі үшін арнайы Алғыс хатпен марапатталды. Сонымен қатар, сайысқа топты дайындаған Кенжетаева Куралай Умирзаковнаның еңбегі де ерекше аталып өтті.
Бұл жетістік оқушылардың тіл білімін жетілдіруде ғана емес, қазақ тілін дәріптеуде үлкен үлес қосты. Шәкірттерімізге алдағы уақытта жаңа белестерді бағындыруға сәттілік тілейміз!
