25 қазан - Республика күні қарсаңында білім саласындағы үздік үлгі көрсеткен ұстаздарымыз лайықты марапатқа ие болды. Білім ордамыздың орыс тілі мен әдебиеті пәні мұғалімдері Акбаева Гульмира мен Адильбаева Саида, химия пәнінің білгірі Сыдықова Эльмира, ағылшын тілі маманы Утеева Гүлшат және құқық негіздері пәнінің ұстазы Изжанов Жанболат, шәкірт тәрбиелеудегі қажырлы еңбегі мен білім берудегі жоғары шеберлігі үшін білім бөлімінің басшысы мен білім қызметкерлер кәсіподақ комитетінің төрағасының бірлескен Алғысын алды.
Бұл ұстаздарымыздың әрқайсысы өз саласында талмай еңбектеніп, шәкірттерін білімге жетелеп келеді. Олардың қажырлы қызметі мен кәсіби шеберлігі білім беру саласының дамуына зор үлес қосып, болашақ ұрпақтың сапалы білім алуына септігін тигізуде.
Ұстаздарымызды шын жүректен құттықтап, алдағы уақытта да осындай жетістіктерге жетулерін тілейміз!
