Ауыл спортшыларының XXXVII "Алтын күз - 2024" облыстық спартакиадасы биыл да спорт сүйер қауымды тамсандырды. Осы ауқымды спорттық шараның тоғызқұмалақ сайысында "Қазалы ауданы" ерлер құрама командасы командалық есепте жүлделі ІІ орынға ие болды. Команда сапында мектебіміздің дене шынықтыру пәні мұғалімі Ұзақ Шыңғыс өзінің шеберлігін көрсетіп, аудан намысын абыроймен қорғады.
Сонымен қатар, спартакиаданың шағын футбол жарысында Қазалы ауданының командасы жоғары нәтижеге қол жеткізіп, І орынды иеленді. Бұл жеңісте мектебіміздің дене шынықтыру пәні мұғалімі Сансызбаев Мұқағали да ерекше үлес қосты.
Бұдан бөлек, қол күресі бойынша 65 кг салмақ дәрежесінде лицейіміздің математика пәні мұғалімі Оразалы Сұлтанбек спартакиадада аудан намысын қорғап, алтыннан алқа тақты. Сұлтанбек өзінің ерік-жігері мен шеберлігі арқылы жеңістің шыңына шығып, Қазалы ауданының мәртебесін асқақтатты.
Барша жеңімпаздарды және қатысушыларды осы айтулы жетістіктерімен шын жүректен құттықтаймыз!
